2010-ին «ԻՆԳՈ Արմենիա» ապահովագրական ընկերությունը կրկնապատկեց իր ակտիվները, որոնք այժմ կազմում են ավելի քան 4.2 մլրդ դրամ: Ընկերությունը հասել է ապահովագրական պարգևների նախաճգնաժամային մակարդակին: Այդ մասին Երևանում հայտնել է «ԻՆԳՈ Արմենիա» ապահովագրական ընկերության գործադիր տնօրեն Լևոն Ալթունյանը: «2010-ը մեզ համար համաշխարհային տնտեսական ճգնաժամից դուրս գալու տարի էր և մենք հավաքագրել ենք մոտավորապես այնքան պրեմիա, որքան 2008-ին մինչև ճգնաժամը»,- ասել է նա:

Ալթունյանը նաև հաղորդել է, որ 2010-ին հավաքագրել է 1.9 մլրդ դրամ ապահովագրական վճար ապահովագրության կամավոր տեսակներից, իսկ ԱՊՊԱ-ի բաժինն ընդհանուր ապահովագրական պորտֆելում կազմել է 49 տոկոս: Նա նաև նշել է, որ 2010-ին ընկերությունը վերաապահովագրել է իր ռիսկերի 70 տոկոսը և ապահովագրման առանձին տեսակների 90 տոկոսը: «Դա այն դեպքում, որ բժշկական ապահովագրությունն ընդհանրապես չի վերաապահովագրվում»,- ասել է Ալթունյանը: