Ռուսաստանի ֆուտբոլի հավաքականի մարզիչ Դիկ Ադվոկատը հայտարարել է, որ մարտի 11-ին կհայտարարի հավաքականի կազմը Հայաստանի ընտրանու հետ հանդիպման համար, որը տեղի կունենա մարտի 26-ին Վազգեն Սարգսյանի անվան հանրապետական մարզադաշտում Եվրոպայի 2012թ. առաջնության նախընտրական մրցաշարի շրջանակներում:
«Հայաստանի և Քաթարի հետ հանդիպումներին 20-21 ֆուտբոլիստ կվերցնեմ»,- Ադվոկատի խոսքն է մեջբերում sovsport.ru-ն:
Քաթարի հետ հանդիպումն ընկերական է և կկայանա մարտի 29-ին: Ռուս ֆուտբոլիստների մարզիչը խոստովանել է, որ էքսպերիմենտների ժամանակը չէ, և հավաքականում նոր անուններ չեն լինի. «Նախընտրական մրցաշարը մենք հաստատ կանցնենք ներկայիս խմբով: Ոչ թե որովհետև ես պահպանողական եմ, այլ որովհետև այժմ չկան ֆուտբոլիստներ, որոնք ավելի ուժեղ են ազգային ընտրանու հիմնական կազմից»: