«Ամբերի» չորրորդ տուրից հետո հայ գրոսմայստեր Լևոն Արոնյանը շարունակում է գլխավորել մրցաշարային աղյուսակը: Արոնյանը 6 միավոր ունի, նույնքան միավոր ունի նաև Մագնուս Կարլսենը (Նորվեգիա), որը 2-րդ տեղում է:
Չորրորդ տուրում Արոնյանն արագ շախմատի պարտիայում հաղթեց Վասիլի Իվանչուկին (Ուկրաինա): Այս տեսակում հայ գրոսմայստերը 3 միավորով զբաղեցնում է 3-րդ տեղը:
Կույր շախմատում Արոնյան-Իվանչուկ պարտիան ավարտվեց ոչ ոքի, և այդ աղյուսակում հայ շախմատիստն առաջին տեղում է:
Հինգերորդ տուրում Լևոն Արոնյանն իր ուժերը կչափի ադրբեջանցի Վուգար Գաշիմովի հետ: