Լեռնային Ղարաբաղի Հանրապետության Բակո Սահակյանը մարտի 18-ին Լիտվայի ԱԳ նախարար, ԵԱՀԿ գործող նախագահ Աուդրոնյուս Աժուբալիսի հետ հանդիպման ընթացքում ղարաբաղյան կողմի պատրաստակամությունն է հայտնել մասնակցելու ղարաբաղյան հակամարտության գոտում մոնիթորինգների ու հնարավոր միջադեպերի հետաքննությունների անցկացման ուղղությամբ միջոցների մշակմանը:
«Մենք ԵԱՀԿ գործող նախագահին հայտնեցինք, որ շփման գծում իրադրության լարումը կողմերից ոչ մեկին առավելություն չի տալիս: Ադրբեջանն արհեստականորեն լարում է իրադրությունը շփման գծում` նպատակ ունենալով միայն խոչընդոտել միջնորդների ներկայացրած նախաձեռնությունների իրականացմանը»,- ասել է Սահակյանը:
Բակո Սահակյանը հայտնել է նաև, որ Ստեփանակերտը հանդես է գալիս Ադրբեջանի նկատմամբ որոշակի պատժամիջոցների կիրառման կողմից, եթե նա կրկին խախտի հրադադարի ռեժիմը:
