Ադրբեջանական կողմն ակտիվացրել է դիպուկահարների գործունեությունը` փորձելով լրացուցիչ լարվածություն հաղորդել հակամարտությանը: Այդ մասին հայտնել է Հայաստանի պաշտպանության նախարարի մամլո քարտուղար Դավիթ Կարապետյանը: Ընդ որում, անդրադառնալով այն հարցին, որ ի պատասխան ադրբեջանցի դիպուկահարների կողմից հայ զինվորի սպանությանը արցախյան կողմը սահմանափակվում է միայն հայտարարություններով և որոշակի գործողություններ չի ձեռնարկում, որպեսզի պատժի հակառակորդին, նա նկատել է, որ հակառակորդի ոչ մի սադրանք անպատիժ չի մնում: «Մենք, որպես կանոն, խիստ ենք պատժում, իսկ նրանց կողմից մարդկային կորուստների մասին հայտարարելը մեր խնդիրը չէ»,- նշել է Կարապետյանը` ավելացնելով, որ զանազան հետաքննությունները ցույց են տվել, որ Բաքվի ձեռնարկած սադրանքներն առավել մեծ կորուստների են հանգեցնում ադրբեջանական կողմի համար:
