Մարտի 27-ին Տաշքենդում ավարտվել է Ուզբեկստանի առաջին գրոսմայստեր Գեորգի Ագզամովին նվիրված 5-րդ հուշամրցաշարը:

Մրցաշարի հաղթող է դարձել հայ գորսմայստեր, 2008-ի օլիմպիադայի չեմպիոն Տիգրան Պետրոսյանը:

Երկրորդ տեղը զբաղեցրել է գրոսմայստեր Անտոն Ֆիլիպովը (Ուզբեկստան):

Հուշամրցաշարին մասնակցել են 106 շախմատիստներ Ռուսաստանից, Ուկրաինայից, Իսրայելից, Վրաստանից, Հայաստանից, Ղազախստանից, Տաջիկստանից, Ինդոնեզիայից և Աֆղանստանից:

Մրցաշարի մրցանակային ֆոնդը կազմել է 20 հազար դոլար, հաղթողը ստացել է 5 հազար դոլար: