Մարտի 27-ից ապրիլի 3-ը Դորտմունդում (Գերմանիա) կկայանա Եվրոպայի ըմբշամարտի առաջնությունը: Հայաստանի ազատ ոճի ըմբշամարտի հավաքականը մեկնել է Դորտմունդ և մարտի 29-ին կմեկնարկի իր ելույթները:

Առաջնության մրցութային օրը ելույթ կունենան մինչև 60 կգ, 74 կգ և 96 կգ քաշային կարգերի ըմբիշները: Այդ քաշային կարգերում Հայաստանը կներկայացնեն Աշոտ Տերտերյանը, Մուսա Մուրտազալիևը և Էդգար Ենոքյանը:

Մարտի 30-ին ելույթ կունենան Միհրան Ջաբուրյանը (55 կգ ք/կ), Ժիրայր Հովհաննիսյանը (66 կգ ք/կ), Վադիմ Լալիևը (84 կգ ք/կ) և Ռուսլան Բասիևը(120 կգ ք/կ):