ԵԱՀԿ ՄԽ-ն կոչ է անում Ղարաբաղի վերաբերյալ հաշտության պայմանագրի նախագիծ մշակել14 ապրիլի 2011 - 18:58 AMT PanARMENIAN.Net - ԵԱՀԿ Մինսկի խմբի համանախագահներ Բեռնար Ֆասիեն (Ֆրանսիա), Ռոբերտ Բրադտկեն (ԱՄՆ) և Իգոր Պոպովը (ՌԴ) ապրիլի 11-14-ի տարածաշրջանային այցի արդյունքներով հանդես են եկել հայտարարությամբ: Հայտարարության մեջ նշվում է, որ այցի ընթացքում ԵԱՀԿ ՄԽ համանախագահները հանդիպել են Հայաստանի, ԼՂՀ և Ադրբեջանի նախագահներ Սերժ Սարգսյանի, Բակո Սահակյանի և Իլհամ Ալիևի հետ: Հանդիպումներին մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը: Հանդիպումների ընթացքում քննարկվել են հիմնարար սկզբունքների վրա հիմնված համաձայնության հասնելու համար հետագա քայլերը: Նրանց կարծիքով, ժամանակն է հաշտության պայմանագրի նախագիծ մշակելու համար վճռական քայլեր անել: Ապրիլի 13-ին ԵԱՀԿ ՄԽ-ն հատեց Արցախի և Ադրբեջանի ԶՈՒ շփման գիծը և շարժվեց Բաքու: Ինչպես և անցյալ անգամ` 2010թ. սեպտեմբերին, անցումը շփման գծով կոչված էր ցույց տալու 1994թ. հրադադարի ռեժիմի պահպանման և ամրապնդման կարևորությունը և հասկացնելու, որ շփման գիծը չպետք է մշտական արգելք դառնա հարևան ժողովուրդների միջև կապերի համար: «Մենք հաստատում ենք նաև այն փաստը, որ համանախագահները պետք է այցելեն հակամարտության հետ կապ ունեցող ցանկացած շրջան: Համանախագահներն այցելել են նաև Օրթա Գարվենդ, որտեղ մարտի 8-ին տեղի էր ունեցել միջադեպը: Հիմնվելով մարտի 5-ին Հայաստանի, Ադրբեջանի և Ռուսաստանի նախագահների հետ համատեղ հայտարարության վրա` համանախագահները կողմերին ներկայացրել են բոլոր կողմերի մասնակցությամբ ճակատում միջադեպերի հետաքննության համար մեխանիզմի նախագիծը: Համանախագահները շարունակելու են աշխատել կողմերի հետ` հետաքննության ավելի թափանցիկ և օբյեկտիվ գործընթացի ստեղծման նպատակով, որպեսզի ամրապնդեն փոխվստահությունը, նվազեցնեն թերակատարումների ռիսկը և փրկեն մարդկային կյանքերը»,- ասվում է հայտարարության մեջ: Համանախագահները մտահոգություն են հայտնել այն կապակցությամբ, որ Ստեփանակերտում ծրագրվող օդանավակայանի բացումը կարող է լարվածության հետագա աճի հանգեցնել: Նրանք նախազգուշացրել են, որ այդ օդանավակայանից թռիչքները ոչ մի կերպ չեն ազդի և չեն կարող օգտագործվել միջազգային օրենքներին համապատասխան Լեռնային Ղարաբաղի ներկայիս կարգավիճակը փոփոխելու համար: Համանախագահները կողմերին կոչ են արել ըմբռնման հասնել միջազգային կոնվենցիաների և համաձայնագրերի համապատասխան, ինչպես նաև Ադրբեջանի և Հայաստանի թռիչքների ընթացիկ պրակտիկայում սեփական օդային տարածքներում: Համանախագահները ողջունել են վստահեցումները նրանում, որ կողմերը ձեռնպահ են մնում ցանկացած սպառնալիքներից կամ քաղաքացիական օդանավերի վրա հարձակումներից: Կողմերը համանախագահներին վստահեցրել են նաև նրանում, որ այդ հարցով կզբաղվեն դիվանագիտական ճանապարհով և ձեռնպահ կմնան այդ հարցի քաղաքականացումից: Ապրիլի վերջին ԵԱՀԿ Մինսկի խմբի համանախագահները Վաշինգթոն կմեկնեն ԱՄՆ բարձրագույն պաշտոնատար անձանց հետ խորհրդակցություններ անցկացնելու, ինչպես նաև խաղաղ կարգավորման առաջընթացի քննարկման համար»,- ասվում է հայտարարության մեջ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |