ՀԲ. Շուրջ 44 մլն մարդ աղքատացել է պարենամթերքի գնաճի պատճառով

15 ապրիլի 2011 - 14:05 AMT

PanARMENIAN.Net - Աշխարհում պարենամթերքի գների կտրուկ աճը հանգեցրեց նրան, որ 44 մլն մարդ հայտնվեց աղքատության շեմից այն կողմ և եթե միջոցներ չձեռնարկվեն, ապագայում նրանց թիվը կավելանա ևս 10 միլիոնով: Այդ մասին նախազգուշարցել է Համաշխարհային բանկի ղեկավար Ռոբերտ Զելլիկը: «Տուժում են ամենաչքավորները, նրանց թիվը կարող է աճել բարձր ու անկայուն գների պատճառով,-ասել է Զելլիկը:-Մենք պետք է գերակա դարձնենք պարենամթերքի գները և պաշտպանենք աղքատ ու խոցելի մարդկանց, որոնք իրենց եկամուտի մեծ մասը սննդի վրա են ծախսում»:

Ըստ ՀԲ-ի զեկույցի, պարենամթերքի համաշխարհային գներն անցյալ տարի աճել են 36 տոկոսով: Եգիպտացորենի գինը աճել է 74 տոկոսով, ցորենինը՝ 69 տոկոսով, միայն բրնձի գինն է անփոփոխ մնացել:

Ըստ ՄԱԿ-ի պարենամթերքի ու գյուղատնտեսության կազմակերպության զեկույցի, դեկտեմբերին գները նոր ռեկորդ սահմանեցին, իսկ հունվարին-փետրվարին շարունակել են աճել:

Արաբական երկրներում տեղ գտած հուզումները շատ փորձագետներ կապում են սննդամթերքի գների բարձրացման հետ, կարծիք է հայտնվել նաև, որ աշխարհը «պարենային հեղափոխությունների» դարաշրջան է մուտք գործում, գրում է Gazeta.ru-ն:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով