Երկկողմ համագործակցությունն անվտանգության համակարգում Հայաստանի նախաձեռնողական արտաքին քաղաքականության հիմնական ուղղություններից մեկն է: Այդ մասին Վրաստանի պաշտպանության նախարար Բաչո Ախալայայի հետ համատեղ ճեպազրույցում հայտարարել է ՀՀ պաշտպանության նախարար Սեյրան Օհանյանը՝ մեկնաբանելով այն հարցը, թե ինչպես են երկրները պատկերացնում համագործակցությունը պաշտպանական ոլորտում, նկատի ունենալով այն հանգամանքը, որ Հայաստանը ՀԱՊԿ անդամ է, իսկ Վրաստանը ձգտում է ՆԱՏՕ, ինչպես նաև հակամարտությունը Ռուսաստանի ու Վրաստանի միջև:
Ըստ հայ նախարարի, փորձը ցույց է տալիս, որ մեկը մյուսին չի խանգարում, քանի որ հակամարտային իրավիճակների կարգավորմանը վերաբերող բոլոր հարցերում անվտանգության բոլոր համակարգերը ղեկավարվում են խաղաղ կարգավորման սկզբունքով:
Իր հերթին Վրաստանի պաշտպանության նախարարը Սեյրան Օհանյանի հետ համակարծիք լինելով՝ նշել է, որ հայ-վրացական հարաբերություններն եզակի են: «Ես վստահ եմ, որ այդ հարաբերությունները հետագայում ևս կզարգանան և ոչ մի ուժ չի կարող խանգարել այդ համագործակցությանը»,-ասել է նա:
