Միքայել Պողոսյան. Շատ հաճախ մրցանակները ժամանակին չեն տալիս կամ տալիս են ոչ արժանի մարդկանց
ՀՀ վաստակավոր արտիստ Միքայել Պողոսյանը գտնում է, որ հիմա հայ արվեստագետը թերի է գնահատվում բոլորի կողմից: Ըստ նրա, արվեստագետին պետք է արժանացնել ուշադրության: «Շատ թերի է գնահատվում հայ արվեստագետը: Այսօրվա մեր ամենամեծ մրցանակը կլիներ այնպիսի պայմաններ ստեղծելը, որ արվեստագետը հնարավորություն ունենա ստեղծագործելու, հատկապես կոլեկտիվ արվեստի մեջ»,- ասաց նա PanARMENIAN.Net ի թղթակցի հետ զրույցում «Վահան Թեքեյան» ամենամյա մրցանակաբաշխության ժամանակ, որի շրջանակներում նա արժանացավ «Սոցիալ-քաղաքական երգիծանք» անվանակարգի մրցանակին:
«Ես շատ շոյված կլինեի, եթե իմ ծանոթ արվեստագետներն էլ արժանանային ուշադրության, թե մրցանակի և թե այլ հարցերում: Շատ հաճախ մրցանակները ժամանակին չեն տալիս կամ տալիս են ոչ արժանի մարդկանց»,-հավելեց նա:
