Միջազգային փորձագետները կոչ են անում ընդլայնել Հայաստանի հակամենաշնորհային մարմնի լիազորությունները20 ապրիլի 2011 - 19:50 AMT PanARMENIAN.Net - Երևանում տնտեսական մրցակցության խնդիրների քննարկում կայացավ Հայաստանի տնտեսական միցակցության պաշտպանության պետական հանձնաժողովի (ՏՄՊՊՀ) հրավերով Գերմանիայի դաշնային հանրապետությունից և Լիտվայի հանրապետությունից ժամանած միջազգային փորձագետների, Հանձնաժողովի նախագահ Արտակ Շաբոյանի, Հանձնաժողովի անդամների, ինչպես նաև պետական գերատեսչությունների ներկայացուցիչների և լրագրողների մասնակցությամբ: Ինչպես հաղորդում է ՏՄՊՊՀ մամլո ծառայությունը, քննարկումների գլխավոր թեման Հայաստանի հակամենաշնորհային մարմնի լիազորությունների ընդլայնումն էր «Տնտեսական մրցակցության պաշտպանության մասին» օրինագծով: Փորձագետները ողջունեցին ՏՄՊՊՀ լիազորությունների ընդլայնումը, սակայն նշեցին հակամենաշնորհային մարմնին տնտեսվարող սուբյեկտների մոտ ստուգումներ իրականացնելու իրավունքով օժտելու անհրաժեշտությունը: ՀՀ Ազգային Ժողովը մերժել էր ՏՄՊՊՀ-ին այս լիազորությամբ օժտելու հարցը` այն մեկնաբանությամբ, որ նման ստուգումների լիազորությամբ օժտված է Պետական եկամուտների կոմիտեն և անհրաժեշտության դեպքում կարող է տեղեկատվություն տրամադրել Հանձնաժողովին: Հաղորդագրության մեջ նշվում է, որ քննարկումը կազմակերպել էր «Մրցակցային և պետական օժանդակության օրենսդրության կիրարկման հզորացումը Հայաստանում» ԵՄ Թվինինգ (Twinning) ծրագրի և Գերմանիայի միջազգային համագործակցության ընկերության (GIZ) հետ համատեղ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |