Արամ Սուքիասյանի «Լուսապսակ» ֆիլմի դիստրիբուցիոն փաթեթը ներկայացվելու է Կաննի միջազգային կինոփառատոնի շրջանակներում անցկացվելիք կինոշուկայում: Ինչպես PanARMENIAN.Net-ին տեղեկացրեց Հայաստանի ազգային կինոկենտրոնի մամլո ծառայությունը, ֆիլմը առաջադրվել էր Կաննի փառատոնի հիմնական` մրցութային փուլում ներկայացնելու համար, սակայն այն չի անցել հիմնական մրցութային փուլը, բայց իրավունք է ստացել դիստրիբուցիոն փաթեթը ներկայացնել փառատոնի կինոշուկայում:
Այս տարի Կաննի կինոփառատոնը կկայանա մայիսի 11-22-ը: Հայաստանն առանձին տաղավարով մասնակցելու է փառատոնի շրջանակներում անցկացվող կինոշուկային երրորդ անգամ և այդ կինոշուկայում ներկայացվելու են Հայաստանում վերջին երկու տարվա ընթացքում նկարահանված ֆիլմերը, ինչպես նաեւ տարբեր ֆիլմերի վերաբերյալ համագործակցության փաթեթներ: