Ապրիլի 24-ին Լոս Անջելեսի Nokia Theatre-ում Վիկ Դարչինյանը թեթևագույն քաշային կարգում վստահ հաղթանակ է տարել կոլումբացի Յոնի Պերեսի հանդեպ: Վնասվել է Պերեսի ձախ հոնքը և բժիշկ Փոլ Ուոլլսը դադարեցրել է մենամարտը: Արդեն այդ պահի դրությամբ Դարչինյանը առաջատար էր հաշվում՝ 50:44:

Հայ բռնցքամարտիկը, ինչպես և խոստացել էր, հզոր հարվածներ է հասցրել մենամարտի առաջին իսկ վայրկյաններից: Նա հարձակվել է, ստիպելով Պերեսին պաշտպանվել: Հարվածների տարափից հետո Պերեսը հայտնվեց ռինգում արդեն երկրորդ ռաունդում: Դարչինյանը շարունակեց նույն ոգով ու կարողացավ վերադարձնել չեմպիոնի գոտին IBO վարկածով:

Դարչինյանն իր մենամատը նվիրել է Հայոց ցեղասպանության զոհերի հիշատակին, նրա գոտու վրա գրված էր՝ 1915: