Ապրիլի 27-ին, ինչպես նաև ապրիլի 16-ին և 23-ին, ՎիվաՍել-ՄՏՍ-ի աշխատակիցները մասնակցեցին Երկրի օրվան նվիրված կամավորական աշխատանքներին: Հիշեցնենք, որ «Երկրի օր» քարոզարշավը մեկնարկեց Հայաստանում Վայրի բնության և մշակութային արժեքների պահպանմանհիմնադրամի և ՎիվաՍել-ՄՏՍ-ի նախաձեռնությամբ:
Ապրիլի 16-ին ՎիվաՍել-ՄՏՍ-ի կամավորները մասնակցեցին Եռաբլուր Պանթեոնի հարակից տարածքում կազմակերպվող ծառատունկի նախապատրաստական աշխատանքներին: Կամավորները հեռացրին քարերը և փխրեցրին հողը, պայմաններ նախապատրաստելով, որառաջիկայում այստեղ բերվելիք տնկիները կարողանան արմատավորվել:
Հաջորդ շաբաթ օրը` ապրիլի 23-ին, ՎիվաՍել-ՄՏՍ-ի կամավորները նորից հավաքվեցին Պանթեոնում` ծառատունկի նպատակով: Այս քարոզարշավին ընկերության աշխատակիցների մասնակցությունը բխում է այն համոզմունքից, որ դրական մթնոլորտը և բարենպաստմիջավայրն անհրաժեշտ են Հայաստանում բարեկեցիկ ապագա ստեղծելուհամար: