Մերձավոր Արևելքում երկու գերիշխող և կազմակերպված ուժերը բանակը և իսլամական կազմակերպություններն են: Այդ մասին Երևանում մամլո ասուլիսում հայտարարել է ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը: Նրա խոսքերով, արաբական երկրներում վերջին իրադարձությունները ցույց են տվել, որ մնացած քաղաքական և հասարակական կառույցները կամ թույլ են կամ դեռ այդքան զարգացած չեն: Նա նշել է, որ չնայած նրան, որ արաբական երկրներում հեղափոխությունները տեղի են ունեցել ժողովրդավարական կարգախոսների ներքո, մեծ է այն հավանականությունը, որ ընտրությունների միջոցով իշխանության գլուխ են բարձրանալու իսլամական կազմակերպությունները: Որպես օրինակ նա բերել է Եգիպտոսը, որտեղ խորհրդարանական ընտրությունների ժամանակ արգելված «Մահմեդական եղբայրներ» կազմակերպությունը կարողացել է վերցնել 4 մանդատ:
Սաֆրաստյանը նշել է, որ հասկանալով արաբական երկրներն իսլամական ուժերի կողմից ղեկավարելու վտանգը, Արևմուտքը, մասնավորապես ԱՄՆ-ն և Մեծ Բրիտանիան փորձում են հիմա կապ հաստատել այդ ուժերի հետ:
