Հայ ազգային կոնգրեսի առաջնորդ Լևոն Տեր-Պետրոսյանի նպատակն իշխանության գալը չէ, գտնում է քաղաքագետ Արմեն Աղայանը: Այդ մասին նա հայտարարել է Երևանում կայացած մամլո ասուլիսում: Ըստ նրա, այն մարդը, որն ուզում է իշխանության գլուխ գալ, չի վանի իրենից մյուս ընդդիմադիր ուժերին, ինչպես դա արեց Լևոն Տեր-Պետրոսյանը «Ժառանգության» առաջնորդ Րաֆֆի Հովհաննիսյանի, Ժիրայր Սեֆիլյանի և ՀԱԿ-ի որոշ անդամների հարցում:

Ըստ Աղայանի, Լևոն Տեր-Պետրոսյանի գլխավոր նպատակն էր 1996 ու 1998թթ. խախտված իր հեղինակության վերականգնումը: Նա հավելել է, որ այժմ ՀԱԿ առաջնորդը ցանկանում է ինչ-որ տեսանելի հաջողությունների հասնել, ներկայացնելու համար դա որպես իր հաղթանակն ու դուրս գալ քաղաքական գործընթացից: Աղայանը նշել է նաև, որ «քաղաքական գործընթացի մեջ ավելի հեշտ է մտնել, քան դուրս գալ»: