Հայաստանի առողջապահութան նախարար Հարություն Քուշքյանն այցելել է ծանրամարտի աշխարհի և Եվրոպայի չեմպիոն Նազիկ Ավդալյանին և օլիմպիական չեմպիոն Յուրի Վարդանյանին, որոնք հիմա գտնվում են «Էրեբունի» բժշկական կենտրոնում, PanARMENIAN.Net-ին հայտնել են առողջապահության նախարարության մամլո ծառայությունից:
Ավդալյանն ապրիլի 26-ին Գյումրի-Վանաձոր մայրուղու վրա ավտովթարի է ենթարկվել և արդյունքում ստացել ողնաշարի վնասվածք: Ապրիլի 28-ին նրան վիրահատել են:
Իսկ օլիմպիական չեմպիոն Յուրի Վարդանյանի սիրտը ոտքի վիրահատության ժամանակ կանգ է առել, և բժիշկները ստիպված են եղել դադարեցնել վիրահատությունը` կատարելով սրտի մերսում:
Տվյալ պահին, բժիշկների խոսքերով, մարզիկներն իրենց լավ են զգում: