Եվրահանձնաժողովն այսօր հրապարակել է ԵՄ մուտքի արտոնագրերից զերծ գոտում Շենգենի նորմերի հստակեցման վերաբերյալ ծրագիրը: Այդ նախաձեռնության գլխավոր տարրը դարձավ հնարավորությունների ընդլայնումը ԵՄ սահամններում
վերահսկողությունը ժամանակավորապես վերականգնելու համար: Այդ մասին հայտնել է իմիգրացիայի գծով եվրահանձնակատար Սեսիլիա Մալմսթրեմը: Ըստ նրա, առաջարկները կներկայացվեն ԵՄ Խորհրդի քննարկմանը մայիսի 12-ին:
ԵՄ երկրները կարող են ժամանակավորապես վերականգնել վերահսկողությունը իրենց սահմաններում «միգրացիոն իրավիճակի հանդեպ վերահսկողությունը կորցնելու դեպքում», ասել է Մալմսթրեմը:
Դա բացատրվում է նրանով, որ Հյուսիսային Աֆրիկայում բողոքի ակցիաների արդյունքում ԵՄ հարավային սահմանի վրա ապօրինի ներգաղթյալների իսկական «ցունամի» առաջացավ: Ամենածանր իրավիճակը Իտալիայում է և Հունաստանում, հաղորդում է ԻՏԱՐ-ՏԱՍՍ-ը: