Ֆրանսիացի և լիբանանցի նկարիչները կմասնակցեն պատկերապատման երևանյան տոնին
Մայիսի 6-ին Երևանի պետական կամերային թատրոնում տեղի կունենա «Պատկերապատման հրավառություն» միջոցառման պաշտոնական բացումը:
Նույն օրը Մարտիրոս Սարյանի արձանի հարակից պուրակում տեղի կունենա «Պատկերապատում կավիճներով» միջոցառումը: Նախօրոք գծված սյունյակների մեջ յուրաքանչյուր մասնակից կնկարի իր պատմությունը:
Փառատոնի հյուրերն են Ֆրանսիայի Անգուլեմ քաղաքի Պատկերի եւ պատկերապատման միջազգային փառատոնի հիմնադիր Ժան Մարդիկյանը, պատկերապատման լրագրող, քննադատ, սցենարիստ Լորան Մելիքյանը, Ֆրանսիացի նկարիչ, պատկերապատող Դոմինիկ Բեղտայը, լիբանանցի նկարիչ, պատկերապատող Զումանա Մեդլեջը:
Միջոցառումն իրականացվում է Հայաստանի Հանրապետության մշակույթի նախարարության աջակցությամբ և ՎիվաՍել-ՄՏՍ-ի գլխավոր հովանավորությամբ:
