Ղարաբաղյան պատերազմի, մասնավորապես ռազմական գործողությունների վերաբերյալ արխիվները դեռ երկար գաղտնի կմնան: Այդ մասին Երևանում հայտարարել է Հայաստանի ազգային արխիվի տնօրեն Ամատունի Վիրաբյանը: Նա նշել է, որ որ դա աշխարհում ընդունված կարգ է և որպես օրինակ բերել է Ռուսաստանը, որտեղ մինչ օրս փակ են մնում Մեծ Հայրենականին վերաբերող փաստաթղթերը: Վիրաբյանը հավելել է, որ այժմ Ազգային արխիվը ջանքեր է գործադրում ղարաբաղյան պատերազմի մասին փաստաթղթերն ու լուսանկարները համալրելու ուղղությամբ և առաջարկել է քաղաքացիներին պետությանը հանձնել իրենց սեփական արխիվները՝ նշելով, որ Ազգային արխիվում դրանք ապահով կլինեն ու անվտանգ:
Վիրաբյանը նաև անդրադարձել է մայիսյան տոներին՝ նշելով, որ մայիսը միշտ կարևոր դեր է կատարել հայ ժողովրդի ճակատագրում, սկսած 5-րդ դարից և ավարտած 20-րդ դարով: Նա նշել է հայ ժողովրդի սխրանքները Սարդարապատում, Մեծ Հայրենականի տարիներն ու Արցախի ազատագրական պայքարը:
