Լաս Վեգասում կայացել է «Super Six» մրցաշարի կիսաեզրափակչի մասնակիցների մամլո ասուլիսը:

Արթուր Աբրահամի և Անրդե Ուորդի միջև առաջին կիսաեզրափակիչը կայանալու է մայիսի 14-ին Կարսոնում (ԱՄՆ), իսկ Կարլ Ֆրոչը և Ալան Գրինը հանդիպելու են հունիսի 4-ին:

Ուորդն ասել է, որ Ֆրոչն Աբրահամի հետ մենամարտում լավ մարտ է ցուցաբերել, բայց ինքը պատրաստվում է հաղթել յուրովի:

«Շատերն ինձ ֆավորիտ են համարում, բայց ես համաձայն չեմ նրանց հետ, քանի որ պետք է շատ մարզվեմ և ինձ ռինգում ցույց տամ: Ես հարգում եմ բոլոր մրցակիցներին, և նրանցից յուրաքանչյուրի հետ մենամարտին տարբեր կերպ եմ պատրաստվում»,- Ուորդի խոսքերը հաղորդում է fightnews.com-ը:

Իր հերթին Աբրահամը շնորհակալություն է հայտնել այս մրցաշարի կազմակերպիչներին. «Գերմիջին քաշային կարգում աշխարհի չորս լավագույն բռնցքամարտիկները դուրս են եկել «Super Six»-ի կիսաեզրափակիչ, և ես այստեղ եմ հաղթելու համար: Ես Ուորդի դեմ մարտում ֆավորիտ չեմ համարվում, բայց ես պայքարելու եմ մինչև վերջ, և մայիսի 14-ին նշելու ենք մեր հաղթանակը»: