 Երևանում բացվել է «Ադրբեջանը քաղաքակրթության թշնամի» խորագրով ցուցահանդեսը 10 մայիսի 2011 - 16:22 AMT PanARMENIAN.Net - Մայիսի 10-ին Երևանի Հովհ. Թումանյանի տուն-թանգարանում բացվել է «Ադրբեջանը քաղաքակրթության թշնամի» խորագիրը կրող ցուցահանդեսը: Ցուցահանդեսի կազմակերպիչն է Հայկական ճարտարապետությունն ուսումնասիրող հիմնադրամը` հանձինս հիմնադրամի նախագահ, հուշարձանագետ Սամվել Կարապետյանի: Բացմանը հրավիրվել են բոլոր կարևոր պատկան մարմինների ներկայացուցիչները և Հայաստանում հավատարմագրված դեսպանները, սակայն ցուցահանդեսի բացման օրը ներկա էր միայն Իրանի Իսլամական Հանրապետության ներկայացուցիչը: «Մեր ազգի մեջ չկա պապերի ժառանգության հանդեպ հարգանք: Ես չեմ ուզում առանձնացնել իշխանությանը հուշարձանների հանդեպ անտարբեր վերաբերմունքի համար, քանի որ նրանք էլ ժողովրդի մասն են կազմում», -լրագրողների հետ զրույցում ասաց Կարապետյանը: Սամվել Կարապետյանը հույս հայտնեց, որ ցուցահանդեսը լավ հնարավորություն կտա պետական մակարդակով միջազգային ատյաններում դատական հայց ներկայացնել և կանխել մնացած հուշարձանների ավերումը: Շատ հուշարձանների լուսանկարներ ընդհանրապես չկան, բայց կարելի է ենթադրել, որ մեծ մասն արդեն ոչնչացված է: Սամվել Կարապետյանի խոսքերով, այժմ Հայաստանում չկան խորհրդային տարիներին հաշվառված, Ադրբեջանի տարածքում գտնվող հայկական հուշարձանների մասին տվյալներ, և անհնար է այժմ որևէ տվյալ ստանալ դրանց քանակի վերաբերյալ:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Երևանում ոստիկանական մեքենան հարվածել է ակցիա լուսաբանող լրագրողին  Ըստ որոշ տեղեկությունների, նա ոտքի վնասվածք է ստացել, ԲԿ–ում էՊատել. ԱՄՆ-ն շարունակում է հավատալ, որ ՀՀ և Ադրբեջանի միջև խաղաղությունը հնարավոր է Նա նաև հավելել է, որ Ալմաթիում տեղի ունեցած բանակցությունների վերաբերյալ այլ թարմացումներ չունիԵրևանում բողոքի ակցիաները վերսկսվել են․ 38 բերման ենթարկված կա Աբովյան փողոցում ոստիկանությունն ուժ է կիրառել և բերման ենթարկել ցույցի մասնակիցներին |
