Թբիլիսիում ընթացող շախմատի Եվրոպայի անհատական առաջնության 4-րդ տուրում Էլինա Դանիելյանը կիսեց միավորները Բելա Խետոնաշվիլիի հետ (Վրաստան): Հայ շախմատիստուհին 3,5 միավոր է հավաքել և 2-րդ տեղում է` առաջատար Վիկտորիա Սմիլիտային (Լիտվա) զիջելով միայն 0,5 միավորով:

Հաղթանակ տարավ Մարիա Գևորգյանը, որն առավելության հասավ Կարինա Շչեպկովսկայա-Խոռովսկայայի նկատմամբ: Անահիտ Խառատյանը սպիտակ ֆիգուրներով կոտրեց Սիրանուշ Ղուկասյանի դիմադրությունը, իսկ Աննա Հայրապետյանը` Իրինա Բուլմագայի (Ռումինիա):

Լիլիթ Մկրտչյանն ու Լիլիթ Գալոյանը ոչ ոքի խաղացին` հաշտություն կնքելով համապատասխանաբար Անաստասիա Սավինայի (Ռուսաստան) և Աննա Ուշենինայի (Ուկրաինա) հետ: Ուժերը հավասար էին նաև Նելլի Աղինյան – Մադոնա Բոկուչավա (Վրաստան) պարտիայում:

Իսկ Լիա Մարտիրոսյանը զիջեց Սալոմե Խաժոմիին (Վրաստան):