Արմեն Գևորգյանը ՀԲ ներկայացուցչի հետ քննարկեց մարդահամարի ֆինանսավորման հարցերը

18 մայիսի 2011 - 16:34 AMT

PanARMENIAN.Net - ՀՀ փոխվարչապետ, տարածքային կառավարման նախարար Արմեն Գևորգյանն այսօր ընդունեց Համաշխարհային բանկի հայաստանյան գրասենյակի ղեկավար Ժան Միշել Հափիին:

Փոխվարչապետը նախ շնորհակալության հայտնեց համապետական մարդահամարի անցկացման գործընթացին ՀԲ աջակցության համար: Ներկայացվեց մարդահամարի նախապատրաստական աշխատանքների ընթացքը: Հիմնական աշխատանքներն իրականացվել են, հայկական կողմը ներկայումս աշխատում է միջազգային դոնոր կազմակերպությունների, տարբեր պետությունների հետ` միջոցների ներգրավման ուղղությամբ:

Կողմերը կարևորեցին մարդահամարի անցկացումը և հավաքագրված տվյալների նշանակությունը պետության զարգացման հեռանկարային ծրագրերի համար: Քննարկվեցին լրացուցիչ միջոցների ներգրավման հնարավորությունները:

Զրուցակիցներն անդրադարձան նաև ոռոգման համակարգի ենթակառուցվածքների զարգացմանն ուղղված ՀԲ նոր ծրագրի հետ կապված հարցերին:

Երկուստեք կարևորվեց ոռոգման համակարգում ներդրումների իրականացումը, արձանագրվեց, որ համակարգի բարելավումը նպաստելու է տարածքների համաչափ զարգացմանը, որի կարևոր բաղադրիչն էլ արդյունավետ գյուղատնտեսության զարգացումն է, հաղորդում է ՏԿՆ հասարակայնության հետ կապերի բաժինը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով