Երևանը հուսով է աջակցություն ստանալ ՀԱՊԿ-ի իր դաշնակիցներից, եթե Ադրբեջանը որոշի վերսկսել պատերազմական գործողությունները Լեռնային Ղարաբաղում: Այդ մասին, ելույթ ունենալով Երևանում ընթացող «ՀԱՊԿ-ն և Հարավային Կովկասը, խաղաղության ու անվտանգության հեռանկարները տարածաշրջանում» խորհրդաժողովում հայտարարել է ՀՀ պաշտպանության նախարար Սեյրան Օհանյանը: Ըստ նրա, Հայաստանը գտնում է, որ, իրավունք ունի աջակցություն ակնկալել ՀԱՊԿ-ից՝ հաշվի առնելով ՀԱՊԿ երկրների որոշակի պարտավորությունները միմյանց առջև:
Ընդ որում, Սեյրան Օհանյանը հատուկ ընդգծել է, որ Բաքուն ջանում է բանակցությունները ԵԱՀԿ ՄԽ-ից այլ հարթակ տեղափոխել: Ավելին, իր հակահայկական քարոզչության գործին Ադրբեջանը ներգրավում է նաև եյլ երկրների, օրինակ, Թուրքիային՝ շարունակելով շրջափակումն ու սպառազինության մրցավազք սանձազերծելով: