«Ես հավանաբար օրիգինալ չեմ գտնվի, սակայն պիտի ասեմ, որ ղարաբաղյան խնդրի ռազմական լուծումն իրոք անհնար է»,- PanARMENIAN.Net-ի թղթակցի հետ զրույցում հայտարարել է ՌԳԱ Համաշխարհային էկոնոմիկայի ու միջազգային հարաբերությունների ինստիտուտի գլխավոր գիտաշխատող, տնտեսագիտական գիտությունների դոկտոր Վիկտոր Շեյնիսը: Նա հիշեցրել է, որ ռազմական արկածախնդրությունը ոչ մի լավ բանի չի հանգեցնում, դրա վառ օրինակն է Վրաստանի ագրեսիան Աբխազիայի ու Հարավային Օսեթիայի դեմ: «Դա վերջացավ երկու ինքնահռչակ պետությունների ճանաչմամբ»,-ասել է Շեյնիսը:
Միևնույն ժամանակ, ռուս փորձագետը նշել է, որ Լեռնային Ղարաբաղը բավականին մեծ աջակցություն ուն ՌԴ-ում ոչ միայն փորձագետների շրջանում, այլ նաև հանրության մեջ: Մեզ հարկավոր են ավելի եռանդուն ջանգեր՝ խթանելու համար հակամարտության կարգավորումը: Պետք չէ մոռանալ, որ հենց ՌԴ-ի հստակ աջակցությունը զսպող հանգամանք է Ադրբեջանի համար: Եթե դա չլիներ, Ալիևը վաղուց էր արկածախնդրության դիմել»,-ասել է Շեյնիսը:
