  Հայաստանը բոլոր ջանքերը կգործադրի առանց բաժանարար գծերի անվտանգության նոր համակարգ ստեղծելու համար 20 մայիսի 2011 - 16:54 AMT PanARMENIAN.Net - ՀԱՊԿ-ն ոչ միայն մեր երկրի անվտանգության համակարգի կարևոր բաղադրիչն է, այլ նաև նպաստում է տարածաշրջանային կայունությանը և անվտանգությանը: Այդ մասին, ելույթ ունենալով Երևանում «ՀԱՊԿ-ն և Հարավային Կովկասը. տարածաշրջանում խաղաղության և անվտանգության հեռանկարները» միջազգային խորհրդաժողովում, հայտարարել է Հայաստանի ԱԳՆ ղեկավարի տեղակալ Արման Կիրակոսյանը: «Եթե ռազմաքաղաքական համագործակցությունն ուղղված չէ երրորդ երկրի դեմ, այն կարող է լինել խաղաղության գրավականը»,- ասել է Կիրակոսյանը: Ինչպես նշել է փոխնախարարը, Հայաստանն ՀԱՊԿ-ի իր գործընկերների հետ ԵԱՀԿ շրջանակներում հանդես է եկել մի շարք նախաձեռնություններով` ուղղված ԵԱՀԿ ամրապնդմանը, մասնավորապես, անվտանգության ոլորտում Հայաստանը պաշտպանում է Եվրոպական անվտանգության մասին նոր պայմանագիրը կնքելու մասին առաջարկը: «Անվտանգության համընդհանուր ճարտարապետության ամրապնդումը և զարգացումն անտարակույս դրական ավանդ կունենան տարածաշրջանային կայունության խորացման մեջ»,- ասել է Կիրակոսյանը: Ինչպես նշել է փոխնախարարը, Աստանայի հռչակագիրը միանշանակ ցույց է տալիս, որ միջազգային հանրության ջանքերը պետք է ուղղված լինեն անվտանգության այնպիսի համակարգի ստեղծմանը, որում տեղ չեն ունենալու բաժանարար գծերը, հակամարտությունները, ազդեցության գոտիները: «Հայաստանը հետագայում ևս բոլոր ջանքերը գործադրելու է անվտանգության նման տեսությունները կյանքի կոչելու համար»,- նշել է Կիրակոսյանը:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր Պեսկովը՝ ԵԱՏՄ–ից ՀՀ–ի դուրս գալու հավանականության մասին. ԵԱՏՄ–ն առաջանցիկ զարգացում է ապահովում անդամների համար  Նա հավելել է, որ դա բխում է անդամ երկրների շահերիցԱլիևի ներկայացուցիչ. Եթե Երևանը հրաժարվի Զանգեզուրով անցնող ճանապարհից, Բաքուն երթուղի կկառուցի Իրանով Ըստ Ամիրբեկովի, այդպիսով, «Հայաստանը կկարողանա դուրս գալ մեկուսացումից, տարանցման վճարներ հավաքել»Պեսկով. Պուտինի և Փաշինյանի առաջիկա հանդիպումը սպասված է և անհրաժեշտ Հանդիպումը կայանալու է մայիսի 8–ինԱպրիլին ՀՀ է այցելել 163,970 զբոսաշրջիկ՝ մոտ 16,000-ով պակաս, քան 2023–ին 2024 թ․ ապրիլին Հայաստան առավել շատ զբոսաշրջիկներ են եկել Ռուսաստանից |
