Վրաստանի ՆԳՆ հատուկ նշանակության ջոկատը ցրել է Թբիլիսիում բողոքի ակցիան` կիրառելով ռեզինե գնդակներ և արցունքաբեր գազ:

Ոչ պաշտոնական տվյալների համաձայն արդեն ձերբակալվել են ընդդիմության շուրջ 80 ակտիվիստներ, որոնք մասնակցել են բողոքի ակցիային: «Մահացել է ոստիկան Վլադիմիրի Մասխուրաշվիլին և նախկին ոստիկան, 54-ամյա Նոդար Ցխադաձեն»,- ասել է Վրաստանի ՆԳՆ վերլուծական բաժանմունքի ղեկավար Շոթա Ուտիաշվիլին: ՆԳՆ տվյալներով, հիվանդանոցներում մնում է 37 հոգի, այդ թվում` 8 ոստիկան: Տուժածների շարքում կա մեկ կին և մեկ լրագրող, հաղորդում է Նովոստի Գրուզիան:

Ընդդիմադիր «Ազգային ժողովի» առջանորդներից մեկի` Թեյմուրազ Շանշիվաշվիլիի խոսքերով, ցույցը ցրելու ժամանալ ռեզինե գդակը դիպչել է ռեժիսոր Գոգի Քավթարաձեին: Նա նաև հաղորդել է, որ կան էլի վիրավորներ, բայց նրանց քանակը դեռ անհայտ է: Տեղի ԶԼՄ-ների հաղորդագրությունների համաձայն հատուկ նշանակության ջոկատը հետապնդում է իրենից թաքնվող մարդկանց: Ավելի վաղ հայտնվում էր, որ իրավապաշտպան ուժերը «միջանցք» են թողել, որով ցուցարարաները կարող են լքել բողոքի ակցիայի անցկացման վայրը:

Բողոքի ակցիա անցկացնելու ժամկետը լրացրել է մայիսի 26-ին: