Գրոսմայստեր Վիգեն Միրումյանը դարձել է Օրլովի (Չեխիա) միջազգային օփեն մրցաշարի հաղթող: Նա 9 հնարավորից հավաքել է 7.5 միավոր և լրացուցիչ արդյունքներով առաջ անցել ուկրաինացի գրոսմայստեր Ալեքսեյ Կիսլինսկուց:

Կանանց մրցաշարում Եվգենիա Դոլուխանովան (Ուկրաինա) վաստակել է 5 միավոր և կիսել 5-6-րդ տեղերը: Հաղթող է դարձել Կարինա Սչեպկովսկան (Լեհաստան), հաղորդում է armchess.am-ը:

Հնդկական Բհուբենսվար քաղաքում, որտեղ ընթանում է ԿԻԻՏ համալսարանի գավաթի խաղարկությունը, արդեն կայացել են երեք տուրեր: Գրոսմայստեր Տիգրան Պետրոսյանը երեք տուրերում վստահ հաղթանակներ է տարել և երեք միավորով մրցաշարի առաջատարերից մեկն է: