25 հայ ձյուդոիստներից 23-ը մեդալներ են նվաճել Բուլղարիայի միջազգային մրցաշարում
Սիլվենում (Բուլղարիա) ավարտվել է ձյուդոյի պատանեկան մրցաշարը, որին մասնակցել են ձյուդոիստներ 5 տարիքային կարգերում:
Հայաստանը ներկայացրել են 25 ձյուդոիստներ Երևանից, Գյումրիից, Չարենցավանից, Նոր Հաճնից և Բյուրեղավանից: 23 մարզիկները մեդալներ են նվաճել, ընդհանուր թիմային հաշվարկով Հայաստանի հավաքականը զբաղեցրել է երկրորդ տեղը:
Մրցաշարից հետո Հայաստանի հավաքականը համատեղ հավաք է անցկացնելու Բուլղարիայի, Հունաստանի և Ռուսաստանի թիմերի հետ:
