Գալուստ Սահակյանը մեղադրում է ՀԱԿ-ին Հայաստանի քաղաքական դաշտը մենաշնորհացնելու մեջ

  6 հունիսի 2011 - 12:12 AMT

PanARMENIAN.Net - Հայ ազգային կոնգրեսը փորձում է մենաշնորհացնել քաղաքական դշատի ընդդիմադիր հատվածը, Երևանում մամլո ասուլիսում ասել է ՀՀԿ խմբակցության ղեկավար Գալուստ Սահակյանը և հավելել, որ իշխանությունները պետք է քննարկեն երկրում առկա խնդիրները ցանկացած քաղաքական ուժերի, ոչ միայն ՀԱԿ-ի հետ:

«Կոնգրեսին թվումէ, որ այդ հարցերը պետք է լուծեն միայն ՀԱԿ-ը և իշխանությունները, իսկ մյուս քաղաքական ուժերը կարևոր չեն»,- ասել է նա:

Հայկական ընդդիմությունը` ՀՀ առաջին նախագահ Լևոն Տեր-Պետրոսյանի գլխավորությամբ, որն իր թեկնածությունն էր առաջադրել 2008թ. փետրվարի 19-ի նախագահական ընտրությունների ժամանակ և պարտվեց Սերժ Սարգսյանին, փետրվարի 20-ից Երևանի կենտրոնում հանրահավաքներ էր անցկացնում` իր դժգոհությունն արտահայտելով քվեարկության արդյունքների կապակցությամբ: Բողոքի ցույցերը մարտի 1-2-ին անկարգությունների և ոստիկանության հետ ցուցարարների բախումների վերածվեցին: Գլխավոր դատախազության տվյալներով, տուժեց մոտ 200 մարդ, տասը զոհվեցին, իսկ բերման ենթարկվեց ավելի քան 100 մարդ:

ՀՀ նախագահը դիմել էր Ազգային ժողով` առաջարկելով համաներում հայտարարել Հայաստանի անկախության 20-ամյակի կապակցությամբ: Նախագահի առաջարկը հիմնված էր Հայաստանի Սահմանադրության 81-րդ հոդվածի 1-ին մասի 1-ին կետի և «Ազգային Ժողովի կանոնադրության մասին» օրենքի 90-րդ հոդվածի վրա: Մայիսի 26-ին Հայաստանի խորհրդարանն ընդունեց համաներման հայտարարման մասին ՀՀ նախագահի առաջարկը: Պատգամավորները 91 «կողմ» ձայներով այդ առաջարկի օգտին քվեարկեցին: «Դեմ» քվեարկող չէր եղել: