Հայաստանի ջերմոցային տնտեսությունների տերերը դիտարկում են ջեռուցման այլընտրանքային աղբյուրների անցում կատարելու հնարավորությունը, քանի որ գազի սակագները երկրում բավական բարձր են, իսկ «ՀայՌուսգազարտը» զիջումների չի գնում: Այդ մասին հունիսի 9-ին Երևանում մամլո ասուլիսում հաղորդել է Հայաստանի Ջերմոցային տնտեսությունների ասոցիացիայի նախագահ Պողոս Գևորգյանը: «Հիմա մենք ընտրում ենք ջեռուցման նոր ուղի ուլտրամանուշակագույն ճառագայթների օգտագործմամբ, ինչն ապահովում է ծախսերի տնտեսում 20-30 տոկոսով»,- ասել է նա:
Դրա հետ կապված` Պողոս Գևորգյանը հավելել է, որ ջերմոցային տնտեսությունների պարտքի պատճառով, մասնավորապես, Գյումրիում անջատել են գազամատակարարումը, որի արդյունքում ջերմոցը դուրս է եկել շարքից, ճաքել են ապակիները, պայթել են խողովակները: «Գազն անջատելու պատճառով ջերմոցը ենթարկվել է սնանկության»,- ասել է նա: Ասոցիացիայի նախագահը նշել է, որ ընկերությունը չի ընդունում ջերմոցային տնտեսությունների տերերի առաջարկները, այն է` սպասել երկու ամիս, երբ բերքը կհասունանա, իսկ դրա իրացումից հետո կհայտվեն միջոցներ պարտքը վճարելու համար:
