«Հարավկովկասյան երկաթուղի» ՓԲԸ հանդիսանում է «Նոր անուններ» առաջին պատանի երաժիշտ-կատարողների միջազգային փառատոնի գլխավոր հովանավոր: Փառատոնը կանցնի Երևանում մայիսի 31-ից մինչև հունիսի 3-ը:
Փառատոնն անցնում է Հայաստանի առաջին տիկին Ռիտա Սարգսյանի բարձր հովանու ներքո, Հայաստանի մշակույթի նախարարության, պետական ֆիլհարմոնիկ և պետական կամերային նվագախմբերի աջակցությամբ: Փառատոնին կմասնակցեն մինչև 18 տարեկան 31 շնորհալիներ Հայաստանից, Ռուսաստանից, Ֆինլանդիայից, Ուզբեկստանից, Վրաստանից և Իրանից:
«ՀԿԵ» ՓԲԸ գլխավոր տնօրեն Շևկետ Շայդուլլինը նշում է, որ նման փառատոնները Հայաստանում թույլ են տալիս ոչ միայն ակտիվացնել մշակույփային կյանքը հանրապետությունում, այլև նոր տաղանդներ հայտաբերել:
«Այս տաղանդները՝ հայկական և համաշխարհային մշակույթի ապագան են և ես համոզված եմ, որ մի քանի տարի անց նրանք կզբաղեցնեն իրենց տեղը մշակույթի ակնառու գործիչների շարքում», - ասում է Շայդուլլինը և նշում է, որ տաղանդավոր երեխաները կարիք ունեն ոչ միայն նյութական, այլ նաև հոգեբանական օգնության.«Շնորհալի երեխաները պետք է հավատան իրենց ուժերի մեջ, հավատան, որ նրանք ունեն մեծ ներուժ և նրանք միայնակ չեն՝ իրենց օգնում են ոչ միայն ծնողները, հարազատները, այլ նաև ուրիշ, այժմ դեռ անծանոթ մարդիկ», հաղորդում է ընկերության մամլո ծառայությունը:
