Երևանում քննարկվեց դպրոցներում ճանապարհային երթևեկության կանոնների դասավանդման հարցը10 հունիսի 2011 - 21:35 AMT PanARMENIAN.Net - 2011թ. հունիսի 10-ին Երևանում ՀՀ Ճանապարհային երթևեկության անվտանգության ազգային խորհրդի նախաձեռնությամբ տեղի ունեցավ դպրոցներում ճանապարհային երթևեկության կանոնների դասավանդման հարցի շուրջ քննարկում: Կլոր սեղանին մասնակցում էին ներկայացուցիչներ ՀՀ Ճանապարհային երթևեկության անվտանգության ազգային խորհրդի քարտուղարությունից, ՀՀ Ճանապարհային ոստիկանությունից, ՀՀ Առողջապահության նախարարությունից, Երևանի քաղաքապետարանից, շահագրգիռ հասարակական կազմակերպություններից: Քննարկման մասնակիցները միաձայն համաձայնեցին այն մտքի հետ, որ ճանապարհային անվտանգության տեսանկյունից այսօր անհրաժեշտ է երեխաների իրազեկման բարձրացումը: Երևանի քաղաքապետարանի կրթության վարչության ներկայացուցիչ Նաիրա Հարությունյանն առաջարկեց Երևանի դպրոցներում անցկացնել հանդիպումներ ոստիկանության աշխատակիցների հետ, որպեսզի աշակերտները հնարավորություն ունենան հարցեր ուղղել և ստանալ սպառիչ պատկերացում ճանապարհային կանոնների պահպանման կարևորության վերաբերյալ: Նրա խոսքով, օրինապաշտ և կրթված աշակերտները վաղվա օրվա երաշխիքն են, և սովորեցնելով նրանց ճանապարհային կանոնները, ապահովվում է ոչ միայն այսօր դեպքերի նվազեցումը, այլև վաղվա հասարակության հանգիստ կյանքը: ՀՀ Առողջապահության նախարարության պետական հիգիենիկ և հակահամաճարակային տեսչության ներկայացուցիչ Ռոմելլա Աբովյանն առաջարկեց կազմակերպել աշակերտների համար պարբերական այցելություններ վարորդական դպրոցներ, ճանապարհային ոստիկանություն, տուգանային հրապարակներ և այլն: ՀՀ Ճանապարհային ոստիկանության ճանապարհապարեկային ծառայության բաժնի պետ, ոստիկանության գնդապետ Նորիկ Սարգսյանը, կարևորելով քննարկվող հարցը, հայտնեց իր պատրաստակամությունը համագործակցելու դպրոցների հետ` առաջարկելով գոնե տարրական դասարաններում ճանապարհային երթևեկության կանոնները դասավանդել որպես առարկա, իսկ ավելի բարձր դասարաններում այն ներառել այլ առարկաների ուսումնական ծրագրերում: Քննարկման մասնակիցները պատրաստեցին առաջարկությունների փաթեթ, որը կներկայացվի ՀՀ Ճանապարհային երթևեկության անվտանգության ազգային խորհրդին: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Տավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակը Փաշինյան. Առաջին անգամ Հայաստանը և Ադրբեջանը սեղանի շուրջ հարց են լուծել, պետք է գնահատենք «Շատ կարևոր է արձանագրել»,–ասել է նա |