Mavi Marmara կոչված մի խումբ պաղեստինամետ ակտիվիստների բողոքի արդյունքում Yuval Ron խմբի Ստամբուլում կայանալիք համերգը հետաձգվել է: Բողոքի պատճառը թուրք-իսրայելական բախումների արդյունքում 9 ակտիվիստ թուրքերի սպանությունն է: Խմբի մեջ ընդգրկված են նաև հրեա երաժիշտներ, հայտնում է Zaman-ը:
Արաբ, հրեա և հայ արտիստներից բաղկացած The Yuval Ron համույթը հունիսի 9-ին համերգով հանդես պետք է գար Ստամբուլի Sultanahmet Amphitheatre-ում: Համերգը կազմակերպել էր Միջմշակութային երկխոսության պլատֆորմը, Ստամբուլի քաղաքապետարանի մշակութային Kultur հաստատությունը:
Խումբը բաղկացած է արաբ, հրեա և հայ արտիստներից, կազմավորվել է շուրջ մեկ տասնամյակ առաջ, որի նպատակն է մեղմել ազգային, ռասայական, կրոնական և մշակութային տարբերությունները երաժշտության և պարի միջոցով:
Խումբը երկար ճանապարհ է անցել 1999թ-ից սկսած իրենց հոգևոր կատարումներով և հանդիսատեսին մաքուր երաժշտության հետ կապելով: Նրանց երաժշտությունը հնչում է ֆիլմերում, թատրոններում և պարային համարներում:
