Հայաստանի Ձիասպորտի ֆեդերացիան կհամագործակցի ֆրանսիացի մասնագետների հետ11 հունիսի 2011 - 16:30 AMT PanARMENIAN.Net - Հայաստանում է գտնվում Ֆրանսիայի կառավարությանն առընթեր ձիերի հարցերի հատուկ վարչության պետ Ժան Լենը, որը հունիսի 11-ին Հայաստանի Ձիասպորտի ֆեդերացիայի նախագահ Հայրապետ Հայրապետյանի հետ համատեղ մամլո ասուլիս անցկացրեց: «Մենք համագործակցելու ենք հայկական ֆեդերացիայի հետ, հայ գործընկերներին կծանոթացնենք մեր փորձին: Համագործակցությունը կզարգանա երեք կետերով` ձիերի գենետիկայի բարելավում, սպորտային գույքի ձեռքբերում և մասնագետների պատրաստում»,- ասել է Լենը: Հայ մասնագետները ուսուցման դասընթաց կանցնեն Ֆրանսիայում, կկարողանան այդ գիտելիքները տարածել Հայաստանում: Լենի խոսքով, Ֆրանսիայում ձիասպորտը շատ բարձր մակարդակում է, և ֆրանսիացիներն այն դիտարկում են և' որպես սպորտ, և' զվարճանք: «Հուսով եմ` մեր ծրագրերը շատ շուտով կիրականան, և մեզ կմիանան նաև Բելգիան, Գերմանիան, Իտալիան և այլ երկրներ, որտեղ զարգացած է ձիասպորտը»,- ընդգծել է ֆրանսիացի մասնագետը: Հայրապետյանն իր հերթին նշել է, որ Հայաստանում արդեն մի քանի միջազգային առաջնություններ են կայացել, և այժմ իրենք նպատակ են դրել ավելի խոշոր մրցաշարեր կազմակերպել, սակայն դրա համար հարկավոր է շատ աշխատել: «Ամենածանր աշխատանքը առաջնություն նախապատրաստելն է, ձիերի փոխադրումն ապահովելը և նրանց համար լավ պայմաններ ստեղծելը»,- ասել է հայկական ֆեդերացիայի նախագահը: Ժան Լենն այցելել է Հովիկ Հայրապետյանի անվան ձիարշավարան և հիացած է պայմաններով. «Սակայն միջազգային առաջնությունների կազմակերպման համար անհրաժեշտ է մեծացնել վազքուղիների և ախոռների քանակը»: Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | Ֆրանսիան ողջունել է ՀՀ–ին և Ադրբեջանի ԱԳ նախարարների հանդիպումն Ալմաթիում Ֆրանսիան կոչ է արել շարունակել սահմանազատումն ու քննարկումները խաղաղության պայմանագրի շուրջ IDBank-ը թողարկել է դոլարային պարտատոմսերի՝ 2024-ի թվով 2-րդ տրանշը Սա IDBank-ի դոլարային պարտատոմսերի հոբելյանական 25-րդ թողարկումն է Բագրատ սրբազան․ Իշխան Զաքարյանը չի մերժել միանալ գործընթացին Սրբազանը հավելել է, որ առաջին անգամ կարող ենք ասել, որ ընդդիմադիր խմբակցությունները հաղթահարել են առաջին փուլը Հայաստան կժամանի ԵԱՀԿ գործող նախագահը Այցն աշխատանքային է |