Շվեդիայում կայանալու է Հայկ Մելիքյանի` Բախին նվիրված ստեղծագործության համաշխարհային պրեմիերան11 հունիսի 2011 - 17:05 AMT PanARMENIAN.Net - Հանրահայտ դաշնակահար Հայկ Մելիքյանը հունիսի 16-ին Շվեդիայի Յ.Ս. Բախին նվիրված O/MODƏRNT փառատոնի շրջանակներում հանդես կգա համաշխարհային պրեմիերայով: Ստեղծագործությունը, որի հեղինակը հենց Մելիքյանն է, տրիպտիխ է` նվիրված Բախի հիշատակին: Ինչպես PanARMENIAN.Net ի թղթակցի հետ զրույցում հայտնեց դաշնակահարը, ստեղծագործությունը գրվել է 2 շաբաթվա ընթացքում, իսկ փառատոնին մասնակցելու առաջարկը նա ստացել է 2010 թ-ին, երբ Հայաստանում էին փառատոնի կազմակերպիչները: Նա նաև հավելեց, որ տրիպտիխը ունի ոճային նմանություններ Բախի ստեղծագործությունների հետ: Փառատոնը այս տարի տեղի է ունենալու հունիսի 15-18-ը, որի շրջանակներում ամբողջ աշխարհից եկած երաժիշտները ներկայացնում են Բախին նվիրված ստեղծագործությունները, կազմակերպվում են սեմինարներ և նույնիսկ սալսա պարի կատարումներ Բախի ստեղծագործությունների ոճով: Հայկ Մելիքյանը Հայաստանի առաջատար դաշնակահարներից է: Ծնվել է Երևանում: Սկզբնական երաժշտական կրթությունը ստացել է Իրինա Գրիշինսկայայի մոտ, այնուհետև Երևանի պետական կոնսերվատորիայում` պրոֆ.Ալեքսանդր Գուրգենովի մոտ: Հ.Մելիքյանի միջազգային համերգային դեբյուտը կայացել է Հռոմում` “Concerto Di Concerti” 20-րդ դարի և ժամանակակից երաժշտության միջազգային փառատոնին: Հ.Մելիքյանը վարում է ակտիվ համերգային գործունեություն` ելույթ ունենալով ինչպես Հայաստանում,այնպես էլ նրա սահմաններից դուրս`Ֆրանսիայում, Գերմանիայում, Բելգիայում, Նիդեռլանդներում, Շվեյցարիայում, Կիպրոսում, Ճապոնիայում, Մեքսիկայում և այլուր: Նա բազմաթիվ տեղական և միջազգային մրցույթների հաղթող է: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |