Բեռնար Ֆասիե. Եթե հիմնարար սկզբունքները չընդունվեն, ԵԱՀԿ ՄԽ-ն ստիպված կլինի հանդես գալ նոր հայեցակարգով15 հունիսի 2011 - 19:49 AMT PanARMENIAN.Net - ԵԱՀԿ Մինսկի խմբի ձևաչափը բավական ճկուն է և կարող է արագ արձագանքել տարածաշրջանում կատարվող բոլոր փոփոխություններին: Այդ մասին, ելույթ ունենալով Եվրախորհրդարանում լսումների ժամանակ, հայտնել է ԵԱՀԿ ՄԽ ամերիկյան համանախագահ Ռոբերտ Բրադտկեն: Նրա խոսքով, Լեռնային Ղարաբաղի հակամարտության կարգավորման ներկա փուլում Մինսկի խումբն իրեն բավական արդյունավետ է դրսևորել: Ընդ որում, նա նկատել է, որ հակամարտության կարգավորման գործում ապագայում տեսանելի է նաև ԵՄ մեծ դերը: Անդրադառնալով համանախագահների աշխատանքի արդյունավետությանը, ամերիկյան միջնորդը հայտնել է. «գլխավոր բանը, որին մենք հասել ենք, նոր պատերազմի բացառումն է»: Ֆրանսիական համանախագահ Բեռնար Ֆասիեն իր հերթին ընդգծել է, որ Եվրամիության դերը ղարաբաղյան հակամարտության լուծման հարցում որոշիչ է: «ԵՄ դերն առնվազն երկու երկրների քաղաքացիական հասարակության նախապատրաստումն է»,- նշել է նա: Ընդ որում, Ֆասիեն նկատել է, որ եթե հիմնարար սկզբունքները չընդունվեն, ԵԱՀԿ ՄԽ-ն ստիպված կլինի հանդես գալ նոր հայեցակարգով: Ֆրանսիայից համանախագահի խոսքով, իրենք հույս ունեին առաջընթացի հասնել 2009 թվականին, ուստիև ԵԱՀԿ Մինսկի խմբի համանախագահ երկրների նախագահներն առաջին անգամ պատասխանատվություն ստանձնեցին հրապարակելու կարգավորման հիմնարար սկզբունքները: «Այսպիսով, այսօր մենք ղարաբաղյան հակամարտության կարգավորման 3-րդ փուլի ավարտին ենք մոտեցել»,- ասել է նա: Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: ԵԱՀԿ Մինսկի խումբ Մինսկում Լեռնային Ղարաբաղի վերաբերյալ միջազգային համաժողով հրավիրելու մասին որոշումն ընդունվեց 1992թ. մարտի 24-ին ԵԱՀԿ անդամ երկրների Նախարարների Խորհրդի արտակարգ նիստի ժամանակ: Մինսկի համաժողովի պատրաստման գործընթացի մեջ ներգրավված երկրները` Բուլղարիան, Գերմանիան, Իտալիան, Ռուսաստանը, ԱՄՆ-ն, Թուրքիան, Ֆրանսիան, Չեխոսլովակիան, Շվեդիան, կազմեցին Ադրբեջանի ու Հայաստանի միջեւ զինված հակամարտության կարգավորման Մինսկի շփման խումբը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |