Հայաստանի կառավարությունը հունիսի 17-ի նիստում հավանություն է տվել ՀՀ գիտության ոլորտի զարգացման 2011-2015 թթ. ռազմավարական ծրագրին և դրա միջոցառումների ժամանակացույցին, մի փաստաթուղթ, որը ոլորտի զարգացման թիրախային նպատակակետերի, դրանց հասնելուն ուղղված միջոցառումների իրականացման արդյունավետության գնահատման չափորոշիչների ամբողջությունն է:

Ինչպես նշել է ՀՀ կրթության ու գիտության նախարար Արմեն Աշոտյանը, այդ որոշումը թույլ կտա առաջիկա 5 տարիներին ձևավորել գիտական հետազոտությունների համար նախատեսված միջոցների արդյունավետ ծախսման ծրագրեր ու հետազոտություններ, ինչպես նաև ապահովել կրթություն-գիտություն-արտադրություն եռակողմ կապը: