Տրիկոտաժի «Տոսպ» ֆաբրիկան մտադիր է հասնել արտադրության նախաճգնաժամային մակարդակին 20 հունիսի 2011 - 14:38 AMT PanARMENIAN.Net - Հայաստանի էկոնոմիկայի նախարար Տիգրան Դավթյանը հունիսի 20-ին այցելել է «Տոսպ» տրիկոտաժի ֆաբրիկա, որտեղ ծանոթացել է արտադրական հնարավորություններին ու հետագա հեռանկարներին: Ինչպես լրագրողներին է հայտնել «Տոսպ» ԲԲԸ-ի գլխավոր տնօրեն Սուրեն Բեկիրսկին, այսօրվա դրությամբ ֆաբրիկայում աշխատում է 135 մարդ, սակայն կա աշխատատեղերը մինչ 220 հասցնելու ներուժ, ինչը կախված է շուկայի հետագա ձևավորումից: Չնայած ճգնաժամի հետևանքներին, ըստ նրա, «հաջորդ տարի կհաջողվի դուրս գալ նախաճգնաժամային մակարդակի՝ 400 մլն դրամի»: 2010թ. ֆաբրիկայում արտադրվել է 156 մլն դրամի արտադրանք, ինչը 7 տոկոսի աճ է ապահովել: 2011թ. հունիսի 1-ի դրությամբ «Տոսպ» ԲԲԸ-ում արտադրվել է 133,1 մլն դրամի արտադրանք, իսկ արտահանումը կազմել է 33,5 մլն դրամ: Անդրադառնալով հայկական տրիկոտաժի մրցունակությանը արտաքին շուկայում, մասնավորապես, Ռուսաստանի հարավում, գլխավոր տնօրենն ընդգծել է, որ ընկերությունը բավականին ճկուն է և չի փոխել իր ոճը: Սուրեն Բեկիրսկին նաև հավաստիացրել է, որ «Տոսպ» ապրանքանիշը աչքի է ընկնում բարձր որակով ու միջին գնային քաղաքականությամբ: Ինչ վերաբերում է արտահանման ծավալների ավելացմանը, ապա Բեկիրսկին հայտնել է, որ բանակցություններ են գնում ՌԴ առաքումների մասին, իսկ 120 հազար դոլարի արտահանումը «լավ ցուցանիշ» կլիներ ֆաբրիկայի համար: Նշելով արտահանման դժվարությունները, նա առանձնացրել է լոգիստիկան ու մաքսային խոչընդոտները: Իր հերթին էկոնոմիկայի նախարար Տիգրան Դավթյանը նշել է, որ կառավարությունը, ընդհանուր մոտեցում ունենալով հանդերձ, փորձում է պարզել առանձին ճյուղերի խնդիրները, որոնք պետական աջակցության կարիք ունեն: Նա հավաստիացրել է, որ թեթև արդյունաբերության ոլորտում ոչ մեծ ներդրումների դեպքում հնարավոր կլինի ապահովել նոր աշխատատեղերի ստեղծում, ներգրավել օտարերկրյա ներդրումներ ԵՄ-ի, ԱՄՆ-ի ու ԱՊՀ երկրների հետ բարենպաստ առևտրային ռեժիմների հաշվին: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Բագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդել |