Երևանյան «Երաժշտության տոնին» կմասնակցեն նաև արտասահմանցի կատարողներ 20 հունիսի 2011 - 16:58 AMT PanARMENIAN.Net - Այս տարի երևանյան «Երաժշտության տոնին», որը կայանալու է հունիսի 21-ին, մասնակցելու են արտասահմանյան երաժշտական խմբեր Ֆրանսիայից, ԱՄՆ-ից և Շոտլանդիայից: Այս մասին լրագրողներին հայտնեց ՀՀ մշակույթի նախարարի տեղակալ Արթուր Պողոսյանը: Ֆրանսիայից ժամանած Bratsch ջազ խումբը, որի հիմնադիրն է Դեն Ղարիբյանը, համերգ կտա Գաֆեսճյան արվեստի կենտրոնում: Երևանի Սիրահարների այգում հանդես կգան շոտլանդական An Gordonach և ամերիկացի երգչուհի Սիմա Քունինգհեմը: Bratsch ջազ խումբը հիմնադրվել է 1970-ական թվականներին: Հիմնական ուղղվածությունը էթնիկ ջազն է: Նրանք վերամշակում են հայկական, բուլղարական, ռումինական և այլ ազգերի մեղեդիներ: Երևանյան համերգում կհնչեն կատարումներ խմբի նոր ալբոմից: «Երաժշտական տոնը» սկիզբ է առել 1982 թ-ին Ֆրանսիայում նախագահ Ֆրանսուա Միտերանի աջակցությամբ: Ամեն տարի, աշխարհի տարբեր քաղաքների փողոցներում անց են կացվում երաժշտական միջոցառումներ: Այդ օրը յուրաքանչյուր ցանկացող կարող է վերցնել որևէ երաժշտական գործիք և ելույթ ունենալ փողոցի ցանկացած հատվածում: Հայաստանը փառատոնը նշում է 2007 թ-ից: «Երաժշտության տոնը» այս տարի արդեն երկրորդ անգամ հովանավորում է «Օրանժ Արմենիա» ընկերությունը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |