Ծաղկաձորում աշխատանքն է սկսել երկրորդ ռուս-վրացական մեդիա ոլորտի համաժողովը: Ինչպես հաղորդում է «ՌԻԱ Նովոստի» գործակալությունը, համաժողովի ընթացքում քննարկվելու են վերջին 20 տարում Ռուսաստանում և Վրաստանում տեղի ունեցած գործընթացները, ինչպես նաև երկու երկրների արտաքին քաղաքական կուրսերի ներդաշնակեցման հեռանկարները:
Ըստ «Հումանիտար համագործակցության կենտրոնի» տնօրեն, «Ռուսաստան-Վրաստան. փորձագետների երկխոսություն» ինտերնետ պորտալի խմբագիր Նիկոլայ Սիլաևի, անդրադարձ կլինի մեդիա ոլորտի և փորձագիտական խնդիրներին. համաժողովի մասնակիցները լրագրողական աշխատանքի իրենց փորձը կկիսեն, կքննարկեն այն ռիսկերն ու սահմանափակումները, որոնց պայմաններում աշխատում են ռուսական և վրացական ԶԼՄ-ները, ինչպես նաև կքննարկեն ռուս-վրացական փորձագիտական երկխոսություն հաստատելու փորձը:
Համաժողովին մասնակցում են վրացական և ռուսական ԶԼՄ ներկայացուցիչներ, ինչպես նաև փորձագետներ ռուսական, վրացական և հայկական հետազոտական կենտրոններից ու ՈԿԿ:
Համաժողովի կազմակերպիչներն են «Կովկասյան համագործակցություն» ոչ առևտրային գործընկերութունը և Georgiamonitor.org ինտերնետ-պորտալը:
