Սեյրան Օհանյան. Որևէ ողջամիտ մարդ չի նախընտրի պատերազմը խաղաղությունից29 հունիսի 2011 - 17:26 AMT PanARMENIAN.Net - ՀՀ պաշտպանության նախարության և զինված ուժերի գլխավոր շտաբի ղեկավար կազմը` պաշտպանության նախարար, ՀՀ գերիների, պատանդների և անհայտ կորածների հարցերով զբաղվող հանձնաժողովի նախագահ Սեյրան Օհանյանի գլխավորությամբ Անհայտ կորած ազատամարտիկի հիշատակի օրվա կապակցությամբ հունիսի 29-ին այցելել է Եռաբլուր պանթեոն և հարգանքի տուրք մատուցել Անհայտ կորած ազատամարտիկների հուշակոթողի առաջ: Պաշտպանության նախարարը, անհայտ կորած ազատամարտիկների հարազատները, մարտական ընկերները այնուհետև մասնակցել են Երևանի Կամերային երաժշտության տանը կազմակերպված հուշ-ցերեկույթին: Դիմելով դահլիճում ներկա` անհայտ կորածների հարազատներին` Սեյրան Օհանյանը մասնավորապես ասել է. «Չկա որևէ ողջամիտ մարդ, ով պատերազմը կնախընտրի խաղաղությունից: Սակայն յուրաքարչյուր ժողովրդի համար լինում են պահեր, երբ պատերազմը պարտադրված և վճռական է դառնում, երբ պատերազմի միջոցով հնարավոր է լինում ապահովել ժողովրդի ազատությունը և հետագա զարգացումը: Այս առումով արցախյան գոյապայքարը մեզ համար այն սրբագույն պայքարն է, որով մենք կարողացանք պահպանել մեր ժողովրդի արժանապատվությունը: Ցավոք, պատերազմում ունեցել ենք նաև անդառնալի կորուստներ: Փառք ու պատիվ բոլոր ազատամարտիներին, ովքեր իրենց կյանքը զոհել են մեր այսօրվա խաղաղ արարման համար: Մարտական գործողությունների ժամանակ, ցավոք, եղել են նաև անհայտ կորածներ, որոնց ճակատագրերը մինչ այսօր մնում են անհայտության մեջ: Քաջ գիտակցում եմ այն ծանր դրությունը, որում դուք այսօր ապրում եք. ամեն հեռախոսազանգ կամ դռան զանգ ձեր մեջ արթնացնում է ձեր հարազատի սպասումը: Վստահեցնում են, որ գերիների, պատանդների և անհայտ կորածների հարցերով զբաղվող հանձնաժողովը միջազգային կազմակերպությունների միջոցով հետևողական աշխատանք է տանում, որպեսզի անհայտ կորածների ճակատագրերը պարզորոշ դառնան և հնարավոր լինի ապահովել նրանց վերադարձը հայրենիք»: Անհայտ կորած ազատամարտիկի հիշատակի օրվա կապակցությամբ միջոցառումներ են կազմակերպվել նաև ՀՀ մարզերում:
Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |