Հայաստանի նախագահ Սերժ Սարգսյանը Ուկրաինայի նախագահ Վիկտոր Յանուկովիչի հրավերով հուլիսի 1-ին պաշտոնական այցով կմեկնի Ուկրաինա:
Այցի շրջանակում Հանրապետության ղեկավարը հանդիպումներ կունենա Ուկրաինայի նախագահ Վիկտոր Յանուկովիչի, Գերագույն ռադայի նախագահ Վլադիմիր Լիտվինի, վարչապետի պաշտոնակատար Անդրեյ Կլյուևի հետ, կայցելի Ուկրաինայի առևտրաարդյունաբերական պալատ: Սերժ Սարգսյանը հանդիպում կունենա նաև հայ համայնքի ներկայացուցիչների հետ:
Այցի շրջանակներում նախատեսվում է Հայաստանի և Ուկրաինայի նախագահների համատեղ մամուլի ասուլիս, որտեղ երկու երկրների ղեկավարները կամփոփեն հանդիպման արդյունքները, հաղորդում է ՀՀ նախագահի մամլո ծառայությունը: