Չայկովսկու անվան մրցույթ. Նարեկ Հախնազարյանը ճանաչվեց լավագույն թավջութակահարը 30 հունիսի 2011 - 23:46 AMT PanARMENIAN.Net - Մոսկվայում հայտարարել են Չայկովսկու անվան XIV միջազգային մրցույթի դափնեկիրների անունները: Պարգևատրման հանդիսավոր արարողությունը կայացել է հունիսի 30-ի երեկոյան Չայկովսկու անվան համերգասրահում և ուղիղ եթերով հեռարձակվել մրցույթի կայքում: Թավջութակահարների շարքում ոսկե մեդալ և առաջին մրցանակ է ստացել Նարեկ Հախնազարյանը (Հայաստան), երկրորդ մրցանակի արժանացել է Էդգար Մորոն (Ֆրանսիա), երրորդ մրցանակի` Իվան Կարիզնան (Բելառուս): Դաշնակահարների մրցույթում ոսկե մեդալ և առաջին մրցանակ է ստացել Դանիիլ Տրիֆոնովը (Ռուսաստան), ջութակահարների շարքում ոսկե մեդալ և առաջին մրցանակ չի հանձնվել, երկրորդ տեղը կիսել են Սերգեյ Դոգադինը (Ռուսաստան) և Իտամար Զորմանը (Իսրայել): Հանդիսատեսի առցանց քվեարկության արդյունքում հանձնված հատուկ մրցանակների են արժանացել Դանիիլ Տրիֆոնովը (դաշնամուր), Սերգեյ Դոգադինը (ջութակ), Նարեկ Հախնազարյանը (թավջութակ), Ելենա Գուսևան (վոկալ) և Էնխբատ Ամարտուվշինը (վոկալ): Վլադիմիր Կրայնևի անվան հատուկ մրցանակը հանձնվել է ուկրաինացի դաշնակահար Ալեքսանդր Ռոմանովսկուն: Թավջութակահար Նարեկ Հախնազարյանը հունիսի 25-ին անցել էր Չայկովսկու անվան 14-րդ միջազգային մրցույթի եզրափակիչ` երրորդ փուլ: Բացի դրանից նրա` երկրորդ փուլում պարտադիր ծրագրային Յ. Հայդնի № 1 թավջութակի և նվագախմբի համար կոնցերտի կատարումը ժյուրին ճանաչել է լավագույնը: Այս տարվա մրցույթի գլխավոր սկանդալը կապված էր Հախնազարյանի հետ, քանզիՌուսաստանի պետական ակադեմիական սիմֆոնիկ նվագախմբի գեղարվեստական ղեկավար Մարկ Գորենշտեյնը վիրավորել էր նրան փորձի ժամանակ: Արդյունքում վերջինս հեռացվել էր մրցույթից, չնայած ներողություն էր խնդրել հայ երաժշտից: Այս տարի մրցույթին մասնակցում էին 122 երաժիշտներ 29 երկրից: Ընդհանուր թվով ներկայացված է եղել 583 հայտ 50 երկրից: Մրցույթը անցկացվում է «Դաշնամուր», «Ջութակ», «Թավջութակ» և «Մեներգ» անվանակարգերում: Նարեկ Հախնազարյանը ծնվել է 1988 թ.-ն Երևանում: Ավարտել է Մոսկվայի պետական կոնսերվատորիան և կարճ ժամանակահատվածում դարձել միջազգային համբավ վայելող երաժիշտ: «Վաշինգթոն փոսթ» թերթը նրան անվանել է ֆենոմենալ թավջութակահար: Նարեկ Հախնազարյանը մասնակցել է բազմաթիվ միջազգային մրցույթների և ամենուր արժանացել բարձր գնահատանքի: Նա ելույթներ է ունեցել ԱՄՆ-ում՝ Լոս Անջելեսում, Բոստոնում, Նյու Յորքում, Ֆլորիդայում, ինչպես նաև Տոկիոյում, Լոնդոնում, Փարիզում, Վիեննայում, Մոսկվայում, Երեւանում եւ աշխարհի այլ մայրաքաղաքներում։ Այժմ Հախնազարյանը Փասադենայի սիմֆոնիկ նվագախմբի մենակատարն է: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |