Ճարտարապետներն իշխանությանը կոչ են անում հրապարակում թմբուկ կառուցելուց առաջ լավ մտածել 1 հուլիսի 2011 - 17:40 AMT PanARMENIAN.Net - Երևանի քաղաքապետարանը Հանրապետության հրապարակում թմբուկի հիմքերը դնելու մասին որոշումն ընդունելիս պետք է հաշվի նստեր հասարակության կարծիքի հետ: Այդ մասին Երևանում կայացած մամլո ասուլիսում հայտնել է Հայաստանի Ճարտարապետների միության վարչության անդամ Սարհատ Պետրոսյանը: Նրա խոսքով, հայ հասարակությունը թմբուկի կառուցման դեմ հանդես չի գալիս, սակայն այդ որոշումը վաղաժամ է համարում: Անդրադառնալով այն պնդմանը, որ թմբուկի կառուցման նպատակը Երևանի գլխավոր ճարտարապետ Ալեքսանդր Թամանյանի նախագիծն ավարտին հասցնելն է, Պետրոսյանն ասել է, որ Թամանյանը բազմաթիվ անավարտ նախագծեր ունի, որոնցից մեկն էլ Վլադիմիր Լենինի հուշարձանն է` Օպերայի շենքի դիմաց, բայց դա բոլորովին չի նշանակում, որ ճարտարապետները մտադիր են այդ գաղափարը կյանքի կոչել: Հայաստանի Ճարտարապետների միության փոխնախագահ Ալեքսանդր Բադալյանն իր հերթին նշել է, որ նախքան նման որոշում ընդունելը անհրաժեշտ էր ամեն ինչ նախապես ծրագրել: Նրա խոսքով, նման հարցում չի կարելի հապշտապ որոշումներ կայացնել: «Մենք իրավունք չունենք սխալական որոշումներ կայացնել այդ հարցում»,- նշել է նա` ավելացնելով, որ Հանրապետության հրապարակը Հայաստանի պետականության խորհրդանիշն է, և հրապարակի դեմքը չի կարելի ապականել: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |