  Երևանում անցկացվում է PanARMENIAN Photo-ի «12 օր Կաննում» ցուցահանդեսը  2 հուլիսի 2011 - 18:26 AMTPanARMENIAN.Net - Հուլիսի 1-ին «Բյուրոկրատ» գրախանութում կայացավ «12 օր Կաննում» ֆոտոալբոմի շնորհանդեսը: Գրախանութում ներկայացվեցին նաև նախագծի ընթացքում արված 22 ամենատպավորիչ լուսանկարները։ Լուսանկարների հեղիանկն է PanARMENIAN Photo ֆոտոգործակալության ղեկավար Վահան Ստեփանյանը: Ցուցահանդեսի համար ներկայացվել են այն լուսանկարները, որոնցում պատկերված են ճանաչված մարդիկ հետաքրքիր իրավիճակներում: Ֆոտոալբոմն ավելի բովանդակային է, և իր մեջ պարունակում է մոտ 150 լուսանկար: Փառատոնի օրերին արվել են փառատոնին ներկա գտնված համարյա բոլոր հայտնի կինոգործիչների լուսանկարները: PanARMENIAN Photo-ն առաջին հայկական ֆոտոգործակալություն է, որ լուսաբանեց Կաննի 64-րդ միջազգային կինոփառատոնը լուսանկարների միջոցով: Փառատոնի օրերին ստեղծվել են բացառիկ ֆոտոշարքեր: 12 օրերի ընթացքում Ստեփանյանը լուսանկարել է շուրջ 10.000 լուսանկար: Նրա խոսքով, բացի §պարտադիր¦ լուսանկարներից, նա փորձել է որսալ հետաքրքիր կերպարներ, ովքեր յուրահատուկ արտաքին կամ հետաքրքիր դեմքի արտահայտություն ունեին: Ինչ վերաբերում է լուսանկարչական ալբոմին, ապա բացի ստանդարտ ընտրություններից, Վահան Ստեփանյանը Facebook սոցիալական ցանցի իր էջում դնում էր նույն մարդու երկու տարբեր լուսանկարներ, հարցնելով միայն մեկ բան` աջը թե ձախը, չմանրամասնելով թե ինչու: Դա նույնպես օգնել է ընտրություն կատարելու երկու լուսանկարների միջև: Այնուամենայնիվ, ալբոմի ստեղծման նպատակներից մեկը հայ կինոսերներին կինոփառատոնը ներկայացնելն է` սև ու սպիտակ և գունավոր լուսանկարների հավասար քանակով: Ալբոմի համար լուսանկարների ընտրության հարցում Ստեփանյանին օգնել են լուսանկարիչներ Ռուբեն Մալայանը և Տիգրան Մեհրաբյանը, որովհետև հեղինակի կարծիքով, միայն սեփական ընտրությունը կարող է շատ սուբյեկտիվ լինել, և կողքից այլ մասնագետի օգնությունը անհրաժեշտ է ավելի օբյեկտիվ գնահատական տալու համար: Վահան Ստեփանյանը նշում է, որ շատ հայ լուսանկարիչների մոտ կարծիք կա, որ շատ դյուրին գործ է մեկնել Կաննի կինոփառատոն: Իրականում, այդպես չէ: Փառատոնից հավաստագիր ստանալու համար անհրաժեշտ է ներկայացնել հարուստ աշխատանքային փորձ և ունենալ լավ անուն: PanARMENIAN Photo ֆոտոգործակալության ղեկավար Վահան Ստեփանյանի մասնակցությունը Կաննի կինոփառատոնին և ալբոմի հրատարակումը ցույց է տալիս, որ Հայաստանում պետք է հրատարակվեն ալբոմներ ու գրքեր ոչ միայն Հայաստանի մասին: PanARMENIAN Photo-ի Ֆոտոալբոմի ստեղծմանը աջակցել են “DEEM COMMUNICATIONS” գործակալությունը և «Գլենդել Հիլզ» ՓԲԸ-ն:   Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները   Ամենաընթերցվողը բաժնում |  Վերջին լուրեր Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել  Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստումՍենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունըՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսինԼիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |
