Հայաստանը քվեարկել է Եվրասիական զարգացման բանկի կազմում Ղրղզստանի հանդես գալու օգտին, PanARMENIAN.Net-ի թղթակցի հետ զրույցում հաղորդել է Հայաստանի ֆինանսների նախարար Վաչե Գաբրիելյանը: Նրա խոսքով, դեռ ընթացիկ տարվա մայիսին Հայաստանի կառավարությունը բանաձև է ընդունել այդ հարցի վերաբերյալ:
«ԵԶԲ գործիք է, որն աշխատում է ԱՊՀ ինտեգրացման համար, այդ տեսանկյունից Հայաստանը նույնպես հանդես է գալիս ինտեգրացիոն գործընթացների օգտին: Մենք ողջունում ենք նաև Ղրղզստանի մուտք գործելը բանկի կազմ և շատ դրական ենք վերաբերվում դրան»,- ասել է նա:
Եվրասիական զարգացման բանկի խորհուրդը Մոսկվայում հունիսի 29-ի նիստում միաձայն հաստատել է նոր մասնակցի` Ղրղզստանի մտնելը բանկի կազմ:
Հայաստանի ֆինանսների նախարար Վաչե Գաբրիելյանը հունիսի 28-ին ժամանել է Մոսկվա, որտեղ մասնակցել է ԵԶԲ նիստին:
