Ալիկ Սարգսյան. Արվում է ամեն ինչ, որպեսզի Հայաստանը թմրանյութերի շրջանառության տարանցիկ երկիր չդառնա 6 հուլիսի 2011 - 17:49 AMT PanARMENIAN.Net - Երևանում կայացել է ՀԱՊԿ անդամ պետությունների թմրանյութերի ապօրինի շրջանառությանը հակազդելու գծով իրավասու մարմինների ղեկավարների համակարգող խորհրդի նիստը, որին մասնակցել է ՀԱՊԿ գլխավոր քարտուղար Նիկոլայ Բորդյուժան: Նիստը կայացել է Ռուսաստանի ԹՀԴԾ տնօրեն Վիկտոր Իվանովի նախագահությամբ: Նիստում կարծիքների կառուցողական փոխանակություն է կայացել թմրանյութերի ապօրինի շրջանառության դեմ պայքարի խնդիրների, ինչպես նաև Աֆղանստանի տարածքից բխող թմրանյութային սպառնալիքին հակազդելու կայուն մեխանիզմների զարգացման շուրջ: Լրագրողների հետ ճեպազրույցում Հայաստանի Ոստիկանության պետ Ալիկ Սարգսյանը հայտնել է, որ թմրանյութերի ապօրինի շրջանառության դեմ պայքարը բխում է Հայաստանի պետական շահերից, և Հայաստանը մենակ չի կարող պայքարել այդ երևույթի դեմ: Այս համատեքստում Սարգսյանն ընդգծել է հարևան պետությունների հետ մշտական փոխգործակցության և կապերի պահպանման կարևորությունը: ՀՀ Ոստիկանության պետի խոսքով, ձեռնարկվում են բոլոր միջոցները, որպեսզի Հայաստանը երբեք թմրանյութերի շրջանառության համար տարանցիկ երկիր չդառնա: Նրա խոսքով, ներկայումս իրադրությունը վերահսկելի է և անհանգստության համար պատճառներ չկան: Հայաստանի Ոստիկանության պետը հաղորդել է նաև, որ հոկտեմբերի 12-ից 14-ը Երևանում կկայանա ԱՊՀ երկրների ներքին գործերի նախարարների և ոստիկանության պետերի խորհրդակցություն, որի շրջանակում կքննարկվի թմրանյութերի ապօրինի շրջանառության դեմ պայքարի հարցը: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները |